«BONUS HOME 2026»
ЖАРНАМАЛЫҚ НАУҚАНЫН ӨТКІЗУ ҚАҒИДАЛАРЫ

1. ЖАЛПЫ ЕРЕЖЕЛЕР

• 1.1. Осы «Bonus Home 2026» жарнамалық науқанын өткізу қағидалары (бұдан әрі – «Қағидалар» және «Науқан») Науқанды Ұйымдастырушы мен оған Қатысушылардың негізгі құқықтары мен міндеттерін реттейді
• 1.2. Науқан жарнамаланатын келесі объектіге белгісіз тұлғалар тобының назарын аударуға бағытталған ынталандыру іс-шарасы болып табылады: «Alina Group» ЖШС (Алматы қ., Қазыбаев көшесі, 20) өндірген қаптардағы AlinEX брендіне жататын құрғақ құрылыс қоспалары (AlinEX SET 300 желімі, 25 кг; AlinEX SET 301 желімі, 25 кг; AlinEX SET 302 желімі, 25 кг; AlinEX FINISH тегістегіші, 25 кг; AlinEX GLATT тегістегіші, 25 кг; AlinEX Glatt Plus тегістегіші, 25 кг; AlinEX Unilevel өздігінен тегістелетін еден қоспасы, 25 кг; ГКП жіктеріне арналған AlinEX Joint қоспасы, 25 кг; AlinEX Grender сылағы, 30 кг).
• 1.3. Науқанды ұйымдастырушы: «Alina Group» ЖШС (Алматы қ., Қазыбаев көшесі, 20, БСН 001040003521).
• 1.4. Науқандық тауар (бұдан әрі – «Тауар») – осы Қағидаларға № 1 Қосымша шарттарда баяндалған сипаттамаға сәйкес тұтынушыға оның Науқанға қатыстылығын айқындауға мүмкіндік беретін «Акциялық қаптама» деген арнайы белгісі бар өнім (жарнамалау объектісі).
• 1.5. Науқандық өнімдерге (AlinEX SET 300 желімі, 25 кг; AlinEX SET 301 желімі, 25 кг; AlinEX SET 302 желімі, 25 кг; AlinEX FINISH тегістегіші, 25 кг; AlinEX GLATT тегістегіші, 25 кг; AlinEX Glatt Plus тегістегіші, 25 кг; AlinEX Unilevel өздігінен тегістелетін еден қоспасы, 25 кг; ГКП жіктеріне арналған AlinEX Joint қоспасы, 25 кг; AlinEX Grender сылағы, 30 кг) белгіленген үлгідегі қағаз ақша көлеміндей арнайы акциялық стикер, сондай-ақ науқанды өткізу шарттары мен оған қатысатын өнімдер тізбесі туралы ақпарат орналастырылады.
• 1.6. Науқандық Тауарды өткізу аумағы – Қазақстан Республикасының аумағы.
• 1.7. Науқанды өткізудің жалпы мерзімі – 2026 жылғы «01» сәуірден бастап 2026 жылғы «30» қыркүйекке дейін (қоса алғанда). Стикерлерді қабылдау және Қатысушыларды тіркеу 2026 жылғы «01» сәуірден бастап 2026 жылғы «30» қыркүйекке дейін (қоса алғанда) жүзеге асырылады. Науқанға қатысуға өтінімдерді жолдау және қабылдау 2026 жылғы «01» сәуірдегі сағат 00:00:00-ден (Астана уақыты бойынша) 2026 жылғы «30» қыркүйектегі 23:59:59-ға дейінгі (Астана уақыты бойынша) кезеңде жүргізіледі. Науқанның жүлде қорын беру кезеңі – 2026 жылғы «01» сәуірден бастап 2026 жылғы «30» қазанға дейін.
• 1.7.1. Науқанның өту барысын және ұтыстарды AlinEX-тің Instagram, Facebook және YouTube желілеріндегі ресми парақшаларынан, сондай-ақ promo.alinex.kz сайтынан қадағалауға болады.
• 1.8. Науқан сайты: https://promo.alinex.kz/
• 1.9. Науқанның «Жедел желі нөмірі» – 6500. Жедел желі 2026 жылғы «01» сәуірден 2026 жылғы «30» қазанға дейін күн сайын сағат 8:30-дан 20:30-ға дейін жұмыс істейді.
• 1.10. Науқан осы Қағидалардың 1.11-тармағында айқындалған және осы Қағидаларда белгіленген талаптарды орындаған жеке тұлғалар арасында жария оферта негізінде өткізіледі.
• 1.11. Науқанға Қазақстан Республикасының кәмелетке толған азаматтары, сондай-ақ Қазақстан Республикасының азаматтары болып табылмайтын, бірақ Қазақстан Республикасының аумағында тұрақты тұратын және тұруға ықтиярхаты бар кәмелетке толған адамдар қатыса алады.
• 1.12. Науқанға Ұйымдастырушының, Дербес деректер операторының қызметкерлері мен өкілдері, олармен үлестес тұлғалар және олардың отбасы мүшелері, сондай-ақ Науқанды ұйымдастыруға және/немесе өткізуге тікелей қатысы бар өзге де тұлғалардың қызметкерлері мен өкілдері және олардың отбасы мүшелері қатыса алмайды. Көрсетілген талаптарға сай келмейтін Қатысушылар, сондай-ақ анық емес деректер ұсынған тұлғалар да Науқанға қатыса алмайды.
• 1.13. Науқанға Alina Group компаниясының қызметкерлері қатыса алмайды.
• 1.14. Науқандық Тауарлар мен Жүлделер саны шектеулі.

2. НАУҚАНҒА ҚАТЫСУ ТӘРТІБІ МЕН ШАРТТАРЫ

• 2.1. Науқанға қатысу және осы Қағидалардың 3.1-тармағында көрсетілген жүлделерді алу мүмкіндігі үшін Қатысушы келесі әрекеттерді орындауы қажет:
• 2.1.1. Науқандық қаптамадағы Тауарды сатып алып, акциялық стикерді ұқыптап қиып алу. Таңдалған кепілдендірілген жүлдеге қарай қажетті стикер санын жинау:
  100 стикер = 2000 теңге
  200 стикер = 5000 теңге
  500 стикер = 13 000 теңге
  1000 стикер = 27 000 теңге
• 2.1.1. ЖиналғанЖиналған стикерлерді тексеру үшін Alina Group компаниясының жақын жердегі филиалының кассасына әкелу. Стикерлер тексерілгеннен кейін Қатысушы ақшалай жүлдені бірден және кепілді түрде алады. Стикер неғұрлым көп болса, жүлде соғұрлым құнды болады.
• 2.1.2. Купондарды әкеліп, ақшалай жүлде алған әрбір Қатысушы автоматты түрде бас жүлделер – Алматы қаласындағы ___________________________________ мекенжайында орналасқан екі пәтер ұтысының қатысушысы болады.
• 2.1.3. Ол үшін Қатысушы ақшалай жүлдені алған жерде нысанға өз деректерін (Т.А.Ә., байланыс телефоны) енгізеді, кассир деректерді тексеріп, қатысушыны қатысушылардың ресми онлайн-тізіліміне енгізеді, кейіннен сол тізілімнен кездейсоқ сандар генераторы бас жүлделердің (пәтерлердің) жеңімпаздарын таңдайды. Деректер енгізілгеннен кейін Қатысушы пәтерлер ұтысына қатысқанын растайтын СМС-хабарлама алады.
• 2.1.4. 100 купон = пәтер ұтысына қатысуға 1 промо-мүмкіндік. 200 купон = пәтер ұтысына қатысуға 2 промо-мүмкіндік және т.б.
• 2.1.5. Науқандық Тауар тек Тауарды өткізу аумағында сатып алынып, тіркелуі тиіс.
• 2.2. Науқанға қатысу үшін тіркеле отырып, Қатысушы Науқан шарттарына, сондай-ақ оның аты-жөні мен фотосуреттерін Ұйымдастырушының жарнамалық мақсаттарда пайдалануына келісім береді. Науқанға Қатысушы Науқанға қатысу туралы сұхбат беруге не қандай да бір сыйақысыз жарнамалық материалдарды дайындау үшін фото және бейнетүсірілімге түсуге келісім береді. Мұндай жарнамалық материалдарға қатысты барлық авторлық құқықтар Ұйымдастырушыға тиесілі болады.
• 2.3. Науқанға қатысу Қатысушының осы Қағидалармен танысып, оларға келіскенін, сондай-ақ өзінің дербес деректерін өңдеуге келісім бергенін білдіреді. Ұйымдастырушы және/немесе ол тартатын үшінші тұлғалар Науқанды өткізу мақсатында Науқанды өткізу кезеңі ішінде, сондай-ақ ол аяқталғаннан кейінгі келесі 5 (бес) жыл бойы дербес деректерді өңдеудің мынадай тәсілдерін қолдануға құқылы: жинау, жазу, жүйелеу, жинақтау, сақтау, нақтылау (жаңарту, өзгерту), алу, пайдалану, беру (тарату, ұсыну, қолжеткізу), иесіздендіру, бұғаттау, жою. Осы тармақтың мақсаттары үшін Қатысушының дербес деректері деп мыналар түсініледі: тегі, аты, әкесінің аты, фотосуреті, байланыс ақпараты (телефон нөмірі, электрондық пошта), Қатысушының жеке басын куәландыратын құжаттарда көрсетілген деректер, сондай-ақ салық төлеушінің жеке сәйкестендіру нөмірі (ЖСН, СТН).

3. НАУҚАННЫҢ ЖҮЛДЕ ҚОРЫН ОЙНАТУ ТӘРТІБІ.

• 3.1. Науқанның жүлде қоры – ақшалай жүлделер мен бағалы сыйлықтар, атап айтқанда:
• 3.1.1. Алматы қаласындағы екі бір бөлмелі пәтер Науқанның бас жүлделері болып табылады. Сондай-ақ 2000 теңге, 5000 теңге, 13000 теңге, 27000 теңге мөлшеріндегі ақшалай жүлделер қарастырылған.
• 3.1.2. Ақшалай жүлделер жеңімпаздарға жүлде ұтып алынған қаладағы Alina Group филиалының кассасынан қолма-қол беріледі. Егер жеңімпаз Алматы қаласында болса, ақша оған Алматы қаласындағы кеңседе беріледі.
• 3.2. Науқанның бас жүлделері – екі пәтер ұтысы Науқанға қатысушылар арасында өткізіледі, жеңімпаздар бүкіл науқан кезеңі бойынша 2026 жылғы 1 қарашада уәкілетті комиссияның (қауіпсіздік қызметінің бастығы, Alina Group заңгері, бренд директоры, PR бөлімінің бастығы, маркетинг департаментінің директоры) және тәуелсіз нотариустың қатысуымен тікелей эфирде Lisa on Air кездейсоқ
• 3.2.1. Науқанның бас жүлделері – екі пәтердің ұтыс ойыны Instagram-дағы https://www.instagram.com/alinex.official/ аккаунтында тікелей эфирге шығу арқылы көпшілік алдында өткізіледі.
• 3.2.2. Онлайн режимде, тікелей эфирде жұмыс істейтін кездейсоқ сандар генераторы кепілдендірілген жүлделер алған Қатысушылардың ішінен жеңімпаздарды таңдайды, бағдарлама Науқанға қатысушының Т.А.Ә.-ін анықтайды, ал ұтыс ойынының жүргізушісі жеңімпазға қоңырау шалып, ұтқаны туралы хабарлайды. Егер жеңімпаз қоңырауға жауап бермесе не телефоны өшірулі болса, жүргізуші бір минут ішінде қайта қоңырау шалады. Егер байланысу әрекеті сәтсіз болса, комиссия кездейсоқ сандар генераторының көмегімен жаңа жеңімпазды таңдауға көшеді.
• 3.2.3. 2000 теңге, 5000 теңге, 13000 теңге және 27000 теңге мөлшеріндегі жүлделер бірден ойнатылады.
• 3.3. Жүлделердің ұтыстары мен жеңімпаздарға қатысты барлық эфирлердің жазбасы https://www.instagram.com/alinex.official/ аккаунтындағы «Bonus-Home» өзекті бөлімінде орналастырылады.

4. ЖҮЛДЕЛЕРДІ АЛУ ТӘРТІБІ МЕН МЕРЗІМДЕРІ

• 4.1. Науқанның бас жүлдесін – екі пәтерді ұтып алған Қатысушылар бас жүлдеге меншік құқығын тіркегеннен кейін кілттерді алады. Бас жүлдені алу орнына дейінгі жол жүру құнын, бас жүлдені алған жерден тасымалдау құнын және бас жүлдені алуға байланысты өзге де шығыстарды Қатысушы өзі төлейді.
• 4.3. Жүлделерді алушы Ұйымдастырушыға мынадай дербес ақпаратты ұсынуға міндеттенеді:
  • тегі, аты және әкесінің аты;
  • туған күні;
  • тіркелу мекенжайы (тіркеу);
  • байланыс телефоны;
  • паспорт деректері, атап айтқанда, Қатысушы азаматы болып табылатын мемлекеттің жеке басын куәландыратын құжатының (паспортының, жеке куәлігінің) бірінші бетінің және тіркеуі көрсетілген бетінің көшірмесі;
  • СТН куәлігінің сапасы барынша жоғары көшірмесі (бар болса).
  Аталған ақпаратты Науқанға Қатысушы Науқан сайтындағы арнайы электрондық нысанды толтыру кезінде ұсынады. Науқанды ұйымдастырушы Қатысушының Науқанға адал қатысатынына күмән туған жағдайда, одан қосымша ақпаратты, атап айтқанда: қиылып алынған бөліктердің фотосуреттерін, науқандық Тауарды сатып алғанын растайтын чектерді сұратуға құқылы.
• 4.4. Ұйымдастырушыға өзінің дербес деректерін ұсына отырып, Науқанға Қатысушы Қазақстан Республикасы заңнамасында белгіленген мақсаттар мен шектерде, оның ішінде Ұйымдастырушыдан және/немесе Тапсырыс берушіден пошта арқылы жіберілімдер алу және жаңа ұсыныстарды (ақпараттық және өзге де материалдарды) алу үшін, Ұйымдастырушының оларды өңдеуіне жеке келісім береді. Аталған құқықты Науқанға Қатысушы белгіленбеген мерзімге береді және ол осы Қағидаларда көрсетілген мекенжай бойынша Ұйымдастырушыға жазбаша түрде жүгіну арқылы кері қайтарып алынуы мүмкін. Хабарламада Қатысушының тегі, аты, әкесінің аты, туған күні және мекенжайы көрсетілуге тиіс.
• 4.5. Барлық жеке ақпарат, оның ішінде Науқанға Қатысушының аты-жөні, жасы, байланыс телефонының нөмірі және пошта мекенжайы тек осы Науқанға байланысты, сондай-ақ Қатысушыларды Тапсырыс берушінің жаңалықтары мен алдағы акциялары туралы кейіннен хабардар ету үшін ғана пайдаланылады.
• 4.6. Егер Науқанға Қатысушы Жүлдені алудан бас тартса немесе ақпарат ұсынбаса және/немесе анық емес/қате ақпарат ұсынса, мұндай Қатысушы Жүлдені алу құқығынан айырылады. Науқанды ұйымдастырушы бұл Жүлдеге өз қалауынша иелік етуге құқылы.
• 4.7.Науқанға Қатысушы, Қатысушының тапсырмасы бойынша Ұйымдастырушы кез келген ұтыстар мен жүлделердің құнынан 10 % салық мөлшерлемесі бойынша (ҚР резиденттері үшін) ұсталатын жеке табыс салығы сомасын ұстап қалып, Қазақстан Республикасының бюджетіне аударатыны туралы хабардар етілгенін растайды. Науқанға Қатысушы Жүлденің жалпы құнынан шектеусіз толық мөлшерде соманы ұстап қалуға және аударуға келіседі, осыған байланысты Науқанға Қатысушының ақшалай нысандағы Жүлделер құнынан ҚР бюджетіне салық төлеу жөніндегі міндеті толық көлемде орындалған болып есептеледі. Жүлдені алуға байланысты Науқанға Қатысушыда өзге ешқандай салық міндеттемелері туындамайды.

5. ҚОРЫТЫНДЫ

• 5.1. Ұйымдастырушы кез келген уақытта осы Қағидаларға өзгерістер енгізуге құқылы.
• 5.2. Ұйымдастырушы осы Қағидаларда көрсетілген жағдайларды қоспағанда, Науқанға Қатысушылармен хат алмасуға не өзге де байланысқа түспеу құқығын өзіне қалдырады.
• 5.3. Науқанға тіркелу және оған қатысу Науқанға Қатысушының осы Қағидалармен танысқанын және сол арқылы осы Қағидалармен толық келісетінін білдіреді.
• 5.4. НауқанНауқанНауқан Науқанның бас жүлдесі – екі пәтер берілгеннен кейін аяқталды деп есептеледі.

«Bonus Home 2026» жарнамалық науқанын өткізу қағидаларына № 1 ҚОСЫМША ШАРТТАР №1 Иллюстрация * Акциялық стикердің алдыңғы бетінің үлгісі №2 Иллюстрация №3 Иллюстрация * Акциялық қаптың үлгісі